21. Roho Yangu Hima

1. Roho yangu hima, na taa yako

Kaiwashe vyema, hapa si pako;

Nguvu zote pia za duniani

Hazitakudhuru ukiamini.

 Yesu yuko mbele, Yesu yu nyuma,

 Yesu vivyo kando, walindwa vyema.

2. Adui shetani, na nguvu zake,

Bwana ameshinda, kwa kifo chake;

Wewe nguvu huna, huna kabisa,

Ndiwe mpungufu, mnyonge hasa.

3. Toka na mapema, mbele ya wote,

Omba, bisha sana, maisha yote;

Vita vikaliko, macho ukae,

Jivike silaha, nawe sishindwe.

4. Bwana Yesu ndiye kwako mchunga,

Neno lake Bwana ndilo upanga;

Mbingu zitakwisha, na nchi pia,

Neno lake Bwana laendelea.